X
تبلیغات
یارالی آذربایجانا سنده چالیش
پنبه ي داغ جنون ايچره نهان دير بدنيم×××ديري اولدوقجا لیباسيم بودور ، اولسه م كفنيم

سئوگی دن تکجه دانیشماقلاریمیز قالدی آخ ائی

آغزیمیز قاندالی ، یاشماق لاریمیز قالدی آخ ائی

 

دیل-دوداق اولدو هارای ، چکدی بوتون وارلیغیمیز

وطن آدلی بیزه باشماقلاریمیز قالدی آخ ائی

 

کسیلیب قصابا خان سوفراسینا اولدو بزک

سورونون آردیجا قاشماقلاریمیز قالدی آخ ائی

 

جیزیغی اؤزگه چکیب ، بیزده بادامین قویمالیییق

بو اودوزماقلا ساواشماقلاریمیز قالدی آخ ائی

 

ایندی ایللردی کی قوران گئیینیر شیطان لار

بیزه ایللر بویو ایشمالاریمیز قالدی آخ ائی .....

نوشته شده توسط nuri در ساعت 11:16 | لینک  | 

یایین ایستی بیر گونونده

داغدان غمگین گونش دوغدو

هله او گون ، گون باتمادان

"بهرنگی"نی آراز بوغدو

 

 

یاییلدی بیر کؤلگه سودا

سولار آشدی چالغالاندی

آراز اؤزون بیر نیل سانیب

"بهرنگی"نی قوربان ساندی

 

 

او زامان کی باغچالاردا

قوشلار اوچدو گول الندی

آراز اودو قوربانلیغین

قیزیل سولار حلقه لندی

 

"بهرنگی"نی یاد ائده رکن

جان اودلانار ، اوره ک یانار

داستانلارین اوخویانلار

حؤرمت ایله اونو آنار

 

ظولمت چؤکسه اوفوق لره

یئنه گونون رنگی قالار

یوروش ائتسه شاختا ، بوران

اونودولماز گوللو باهار

نوشته شده توسط nuri در ساعت 17:25 | لینک  | 

 

بؤیوک بیر دییارام ، بؤیوک بیر توپراغام

واحید بیر میللتم ، واحید بیر بایراغام

اؤزبکم ، قیرقیزام ، تورکم ، قافقازام

قارداش وای ، سویداش وای ، ائلیم اوبام وای

وطندن وطنه گئدن یولوم وای ......

 

تبریزم ، دربندم ، آنکارایام من

کاشغرم ، کرکوکام ، گؤر هارایام من

ایکی یه بؤلونموش آستارایام من

آراز وای ، مفتیل وای ، سرحد تئلیم وای

وطندن وطنه گئدن یولوم وای ......

 

هر یانا اوز توتسان من اویاندایام

زنگاندا ، موغاندا ، نخجوان دایام

تورکمن چایدایام ، گولوستان دایام

قلم وای ، ایمضا وای ، ساختا قولوم وای

وطندن وطنه گئدن یولوم وای ......

 

موشفقم ، جاویدم ، گول له لنمیشم

هئیکله دؤنموشم ، داشا دؤنموشم

اؤلویم ، ناحاقدان بئله سینمیشام

گول له وای ، اعدام وای ، ناحاق اؤلوم وای

وطندن وطنه گئدن یولوم وای ......

 

بیر یاندا بایراغیم یاساق اولوندو

بیر یاندا چکیج له اوراق اولوندو

من تورکم دییه نلر دوستاق اولوندو

یاساق وای ، کسیک دیلیم وای

وطندن وطنه گئدن یولوم وای ......

 

بابکم ، نبی یم ، لاپ دده قورقودام من

سازام سؤزم من

کول آلتیندا دالی یانار کؤزم من

آلوو وای ، آتش وای ، سؤنموش کولوم وای

وطندن وطنه گئدن یولوم وای ......

 

هر یئرده ، هر یاندا بیر بارماغیم وار

شرقیدن – قربه  دک  باخ دایاغیم وار

سازلی بورچالیم وار ، قاراباغیم وار

باغیم وای ، باغچام وای ، سولموش گولوم وای

وطندن وطنه گئدن یولوم وای ......

 

بیر داها کیمسه یه آللانماز ائلیم

نه روسا ، نه فارسا اییلمز بئلیم

زنجیره چکیلمز ، یاغلانماز قولوم

قیریلمیش زنجیر وای ، آچیق قولوم وای

وطندن وطنه گئدن یولوم وای ......

 

سویچو "ممد اوغلو"

نوشته شده توسط nuri در ساعت 11:48 | لینک  | 

 

سنی سئومک 

               دونیانین ان چتین ایشی دیر

                                      ****

                                           هر گئجه یاتاق اوتاغیمیزدان

                                                                      اؤزگه کیشی لرین

                                                                                        قوخوسو گلیر

نوشته شده توسط nuri در ساعت 16:7 | لینک  | 

بنیم تک هئچ کس زار و پریشان اولماسین یار رب

اسیر درد عشق و داغ هیجران اولماسین یار رب

 

دمادم جوورولی دیر چکدیییم بی رحم بت لاردان

بو کافیر لر اسیری ، بیر موسلملن اولماسین یار رب

 

گؤروب اندیشه قتلیمده اولماهی بودور دردیم

کی او اندیشه دن اولمه ه پشیمان اولماسین یار رب

 

چیخارماق ائتسه لر تندن چکیب پیکانین او سروین

چیخان اولسون دل مجروح ، چیکان اولماسین یار رب

 

جفا و جور ایله موعتادم بیلیرسیز نه اولور حالیم

جفاسینا حد و جوورونه پایان اولماسین یار رب

 

دئمه ن کیم عدلی یوخ یا ظولمو چوخ ، هر حال ائیله اولسام

کونول تختینه اوندان قئیری سولطان اولماسین یار رب

 

فضولی بولدو گنجی عافیت مئیخانه کونجوندن

موبارک مولکودور او مولک ویران اولماسین یار رب

نوشته شده توسط nuri در ساعت 12:23 | لینک  | 

ايللر بويو زنجيريده قالسام دا وارام من ،

قلبيمده منيم زره جه ايمان ،

بير گون قارا زنجيريمي آخير قيرارام من ،

اركين باشينا قانلا قيزارميش قاناديمنان ،

بايراق ويرارام من .

(آذربايجانين بيلگين اوستادي رحمتليك پروفسور دوكتور محمد تقي زهتابي)

نوشته شده توسط nuri در ساعت 0:2 | لینک  | 

600 ایل بوندان ایره لی، آذربایجانین اولو شاعیری، عمادالدین نسیمی نی،آزادلیق دوشمنلری،حلب شهرینده،دارا چکیب،ده ریسینی سویوب، اولدوردولر. بو شعر، نسیمی نین شانلی خاطیره سینه سونولور.                      

قانلی بیر میدان!

پرونده:Nesimi Film.jpg

یوزونده، شوری، شوقی، شانی گوردوم

سوزونده، منطقی، برهانی گوردوم

گوزونده، کیپلیکینده، هم قاشیندا

وقاری، هیبتی، طغیانی گوردوم

گوزل سیماسینه، دقتله باخدیم

چمنده، لاله نی، ریحانی گوردوم

متین اشعارینین، هر جمله سینده

عدالت سیزلیگه، عصیانی گوردوم

اونون شعرینده، تاپدیم، اوج عشقی

دنیزده، دالغانی، طوفانی گوردوم

حیاتیندا، او شانلی قهرمانین

بوتون ایشکنجه نی، زیندانی گوردوم

او زیندانلاردا، او ایشکنجه لرده

قارانلیق، قورخولی، دورانی گوردوم

باخیب تاریخه، شرقین اورتاسیندا

حلب ده، قانلی بیر میدانی گوردوم

چکیلمیش داره، او میدان ایچینده

اناالحق سویلیین، قوربانی گوردوم

وفا کویینده، جانانین یولوندا

اولان ئوزقانینه، غلطانی گوردوم

او گون، شهر حلب ده، هر طرفده

یئره،ناحق توکولموش، قانی گوردوم

او یارین قتلینه، فتوی وئرنده

الینده، مفتی نین، قرآنی گوردوم

دریسینی اونون، دوشمن سویاندا

بدندن آیریلاندا، جانی گوردوم

عمادالدین، اناالحق، لب لرینده

وجودینده، بوتون، جانانی گوردوم

نسیمی ده، او تمکینی، گورنده

بشرده، قدرت ایمانی گوردوم

باخیب او عزت و شان و جلاله

دیار عشق ده، سلطانی گوردوم

قارانلیق لار، بوتون، چیخدی یادیمدان

چراغان، نور ایله، هر یانی گوردوم

جهالت دن، فلاکت دن، قوتولموش

بوتون دنیاده، هراینسانی گوردوم

سوی : حسن جداری

 

نوشته شده توسط nuri در ساعت 13:45 | لینک  | 

 


قوی پولیس لر ائشيتمه سين

قورخولو بير سير دئييرم:

چوخداندير کی ، بير آرزیم وار ،

اوغرو اولماق ايسته ييرم!…

اينسانلارين آراسيندان

عقیده سیز آداملاری

 ويجدانينی پولا ساتان

نادانلاری

اوغورلاماق ايسته ييرم

بو تورپاغين گوندن-گونه

نييه آرتير دردی-سری…

دوولتلرين آراسيندان سرحدلری

اوغورلاماق ايسته ييرم

آخی، نه ايش گؤرموشم کی،

اوغورلوق دا ايشدی باری .

من آنامين صيفتينه

واختسيز دوشموش قيريشلاری

اوغورلاماق ايسته ييرم!

بيريسينی ييخماق اوچون

ايکيسی نين اولفتينی،

اينسانلارين اوریيندن

هر کينينی، نيفرتينی،

يالانينی بوندان اونا،

اوندان بونا ساتانلاری،

ايکی سئون آراسيندان

او اوچونجو آداملای

اوغورلاماق ايسته ييرم!

آراز آخير…

او تايدان دا اينسان باخير،

بو تايدان دا اينسان باخير،

نئچه ميليون گؤزو ياشلی عزيزيمی،

او حسرتلی تبريزيمی

اوغورلاماق ايسته ييرم!

ايندی نئچه دؤولتلردن

مظلوملارين آه-زارينی،

ياد تورپاقدا ياتيب قالان،

عصرلرين آرخاسيندان

قوللارينی چاتيب قالان

کربلادان فوضولی نين،

حلب دنسه نسيمی نين مزارينی

اوغورلاماق ايسته ييرم!

نه گيزله ده ک، بيلير هامی

تونقال قاتيب يانديريرلار

بو جاهانی .

قلبيم دئيير:

" بير آذري مثلينی يادينا سال:

" اوغرودان-اوغرويا حالال… "

پرومئتئی اوغورلاييب

اينسانلارا وئرن اودو

اوغورلاماق ايسته ييرم!

لاپ قضبی توتسا بئله

يئرين منه، گؤيون منه

نه دئييرسيز، دئيين منه

اوغرو اولماق ايسته ييرم!!

اوغرو اولماق ايسته ييرم !!

دوغرو اولماق ايسته ييرم!!!

نوشته شده توسط nuri در ساعت 20:20 | لینک  | 

آنا
منیم آنا
ساوادسیزدیر
آدینی دا یازا بیلمیر
منیم آنام
آنجاق منه
سای اؤیردیب
آی اؤیردیب
ایل اؤیردیب
ان واجیبی دیل اؤیردیب
منیم آنام
بو دیل ایله تانیمیشام
هم سئوینجی
هم ده غمی
بو دیل ایله یاراتمیشام
هر شعریمی
هر نغمه می،
یوخ من هئچم
من یالانام
کیتاب کیتاب سؤزلریمین


آزادليق                 

آزادليق، سعادت، دموكراتيا...

اصلينده هر بيري بير كلك، بير ريا!

منيم بو سؤزلره يازيغيم گلير،

حقوق-لار تاپدانير بو كلمه لرده.

اينسانين سينه سي ظولمه يول اولور،

آزادليق اؤزو اولمايان يئرده،

قايدادير همئشه سؤزو بول اولور...!

نوشته شده توسط nuri در ساعت 14:29 | لینک  | 

درد اورتاقدیر

هدف قوتسال

هرکیم اولورسان اول

داغ،دره،دومان،یول

من هر گئجه، سنین چون آغلارام

یا سن زنگانداکی یاندیریلان یوزاللی کیشی

یا سن سالماسداکی دوغرانیلان بیر اسگر

یاسن وارلیغین بیراخیب تهرانا گئدیب دووارلار دیبینده پورتاغال ساتان

یا سن نوه سینین دیلین آنلامایان بیر آغساققال بابام

یا سن ماهنی سی دوداغیندا پاسلانمیش آغ بیرچک آبام

هرکیم اولورسان اول

. من هرگئجه سنین چون آغلارام 

############################

منی سسله ییر اوچ کیشی

محمد امین

سونرا بییم

ایزین وئرین سئودیگیم قیزین آدین سویله مه ییم.

#############################

گئدرکن آز ایدی یاشی

آردیجا باخیردی باجی باخیشی

توکه نیردی آنا طاقتی

اوتدو ایللر آیلار

مکتوب یازدی آیلار  

قیزلاری سئویلمیر

اوغلانلار سئومیر

گووده سی جانسیزدیر

داماری قانسیز

خیرتده یی خیریلتیدا

نفسی سایدا

هارداسان هاردا

قارداشیم تئز گل

بو شهری بوغور ایکی ال  

قاییدارکن

 آغارمیشدی قاشی

سورگون شاعیری

قارشیلامادی بیری

باجی نی قویمادی اری

آنا تورپاق امانتی  

دونن گولوردو شهر

تانیش دئییل دی کیمسه یه کدر

آی هوروردو ساچی نی

آیدا بزه ییردی تاجی نی

آیدین سئویردی باجی نی

آغیزلار اوخشاییردی لاچینی

آی آمان

نه چتین میش تورپاق حسرتی

اوجا داغ، سرین سو، یایلاق حسرتی  

بوگون قالماسادا اوشاقلیق اویونداشی

قالیر خاطیره سی

قالیر ائوجیکلرین خینالی داشی

قالیر آغزیمدا دادی

آنا اوجاغی نین ایستی آیران آشی

داش اوزدوره جه ییک گولچه لرینده

ایشیق سالاجاق سولارینا

توز تورپاغی سیلینمیش آینا

آند اولسون اوشاق اوره یینین آیدینلیغینا

آند اولسون.

#######

 اوتاغین ایچینده آددیملاییرام

ایچیرم

و پنجردن کوچه یه باخیرام

هاوا سویوقدور

هره بیر پاپاق تاخمیش باشینا

قاچیر

 دوشورم کوچه له رین جانینا

دولانیرام

بلکه بیری الیمدن توتوب آپارسین ائوه

آپاریرلار

یئرسیزلر ساراینا

یئر سیز دئییلم دئیه

پنجره دن آتیلیب

قاچیرام

دولانیرام کوچه لری

بلکه بیری

الیمدن توتوب آپارسین ائوینه

قوناق تک یاشام ایسته مم دئیه

الیمی الیندن قورتاریب

قاچیرام

یورغون آرغین

ماغمین ماغمین

دولانیرام کوچه لری

بلکه بیری الیمدن توتوب قایتارسین ائویمه

آما هر ندن اونجه

سون قویسون دردیمه کدریمه

ائویم اوتورمالی اولسایدی

من اوتورا بیلسه یدیم

گئجه نین بو واختی

بو سویوق قیشدا

دوشمزدیم کوچه له ره

 دولانیرام کوچه له ری

بلکه بیری...

########

    باشیمدا مین بیر سئودا          

       سینه مده مین بیر یارا                              اوره یمیده مین بیر درد

سئودامین بیری سن

یارامین بیری وطن                                                  دردیمین بیری اوغولسوز ددم

        باشیمین مین سئوداسی        

     سینه مین ،مین یاراسی     

   اوره یمین مین دردی         

لاچین،کلبجر،خان کندی.

###############

قیزیم من سنه

نه ماهنی اویره ده جه یم

نه یاد دیلده سرود

نه ده قوران

گئت هر نه یه اینانیرسان اینان

منیم سنه پاییم

کیچیجیک باغچا

و نئچه گولدان

توخوم اک

سو سپ

هر گون گونش دورمادان اویان

سئرچه سسینه

سارماشیق هوسینه

من سنه نه سالام اویره ده جه یم

نه ساغ اوللاشما

یالنیز

چیچک بئجرمک اویره ده جه یم

چیچک بئجرمک.

نوشته شده توسط nuri در ساعت 13:55 | لینک  |